الموضوع: كلايزلر 2012 وطي المرايات الخارجية ؟

كلايزلر 2012 وطي المرايات الخارجية ؟

بسم الله الرحمن الرحيم


السلام عليكم .. أسعد الله صباحكم بكل خير

أدخل بالمووضوع دوغري .. استلمت سيارتي ولله الحمد كلايسلر 2012 فل كامل

وكانت خقه ما شاء الله تبارك الرحمن بس وجودها في جده غبنه من كثر الحفر الي فيها

الموضوع ياجماعة الخير .. عرفت اغلب مواصفاتها الا شي واحد لي اسبوع احوس فيه !

الي هي طي المرايات الخارجية انا كأني شفت باحد مقاطع اليوتيوب طي المرايات الخارجية بالكهرب ..

وادور على هالميزهـ ولا لقيتها .. هل السيارهـ فيها طي مرايات بالكهرب ولا يدوي ..

اتوقع ما عاد فيه سيارات يكون طيها يدوي .. حتى الكورلا صارت كهرب

فشلت من بالي انها تصفيطها يدوي

الي عندهـ خبرهـ بهالامور لا يبخل علينا ويعطينا وش علم السيارهـ ..

على فكرهـ .. اذا كان طيها يدوي انا ببيع السيارهـ .. اشتري سيارهـ بـ 170 ألف واخر شي اطلع يدي واصفطها .. هذا بالنسبه لليسار .. اما اليمين تنزل الله لا يهينك وتصفطها .. ولا تقول لخويك بالله يافلان اصفط المرايه <<< وش قلة هالحيااا

هذا علمي وسلامتكم ... ولا تشرهون على كثر الحكي .. والله اني طفشااان وحالتي حاله

على البركه الله يطعمك من خيرها ويكفيك شرها
حسب مافهمت من كاتلوج السيارة الي منزله من النت مفروض زر طي المرايات يكون في الوسط بين زرين L و R الي يخلونك تتحكم بالمرايات اليمين واليسار

ههههههههه الوكيل الحلو مو جايبها لنا حتى حقتي مافيها طي كهربا
اببد زي الددسن اطلع يدي والفها

المشاركة الأصلية كتبت بواسطة ميلانووو.

ههههههههه الوكيل الحلو مو جايبها لنا حتى حقتي مافيها طي كهربا
اببد زي الددسن اطلع يدي والفها

لاياشيخ لاتقول معقوله ! لو كان صحيح فما اقول غير الله يحرقك يالمتحدة وش بقى بعد كل يوم راح نكشفت ميزة محذوفه من غير مايقولنا !

سنايدي وميلانو ..
ألف ألف مبروك .. الله يعمكم خيره ويكفيكم شره ,, تستاهلون ,,
الغالي بروجكت ألف شكر لك على الشرح ..

ميزات كثيره ابعدت >
1- التشغيل عن بعد .
2- أزرار فتح الكراج .
3- تحرك المقود عند التشغيل والإطفاء .
4- تحرك المرآه الجانبية عند التشغيل والإطفاء .
مميزات مفقوده وقد تزيد الى 5 و 6 و أكثر ..


أنا شخصياً كنت حاجز الي سعرها 174000 والغيت الحجز بعد ماشفته وركبته ..وان شاء الله
خلال الأسبوعين الجايات راح آخذ الي سعرها 169000 ..


أخوي سنايدي كيف السياراة ووش انطباعك عنها ؟

^^
هلا جيفارا يعني تخليت عن الجنوط ؟

أهلا ياباشا ..
لو أشري الجنط بلحاله بس ما أخليه
طلبت الجنوط وان شاء الله خلال شهر عندي..

ياليت لو أحد يسأل عن ميزة تحرك المرايات الجانبية هل تستطيع الوكالة اضافتها والا لا ؟

آمآآآآآ مقدر أحرك المرايات الجانبية

والله مايجي يا شباب سيارتي بعد كم يوم توصل

بالله أتاكدو من الخبر

بالنسبة للتشغيل عن بعد رحت الوكاله وسألت يقول هذي قطعه تشتريها وتركبها على حسابك

مو من بلادها تجي فيها التشغيل عن بعد واتوقع سعر القطعه ١٦٠٠ مدري ٢٠٠٠ + ريموتين

على فكره جيفارا
تحرك المقود والمراتب والدعاسات عند التشغيل والاطفاء موجوده بالسياره حسب افادة احد الملاك من الاعضاء وبإمكانك عملها عن طريق الإعدادات في الشاشه