موبار العربية - نادي ملاك دودج كرايسلر و جيب SRT - Powered by vBulletin

banner





النتائج 1 إلى 9 من 9
Like Tree17Likes
  • 11 Post By Challenger
  • 1 Post By Bassam abdullah
  • 1 Post By بُوليـــٌسِيْ 2013
  • 1 Post By شخصيه مستهدفه
  • 1 Post By DR:MOHAMMED
  • 1 Post By MOPARIAN
  • 1 Post By Hayoulek

الموضوع: || تجديد استمارة السيارة || الفحص الدوري || الشروط للفائدة 1434 هـ

  1. #1
    The DodgeFather

    الصورة الرمزية Challenger
    تاريخ التسجيل
    Jun 2010
    الدولة
    الرياض
    المشاركات
    3,463
    معدل تقييم المستوى
    10

    افتراضي || تجديد استمارة السيارة || الفحص الدوري || الشروط للفائدة 1434 هـ

    \
    \
    \


    بسم اللـــه
    والصلاة والسلام على رسول اللــه




    بعد مرور ثلاث سنوات على شراء السيارة
    انتهت الاستمارة وحان الوقت للتجديد ..

    وبحكم اني جلست ابحث واسأل كثير
    قلت اعطيكم الزبدة .. لعل غيري ممكن يستفيد من هـ المعلومات
    كذلك اي واحد عنده معلومات تفيدنا بخصوص تجديد استمارة السيارة او الفحص الدوري
    لا يبخل علينا

    : )




    || تجديد استمارة السيارة ||


    الشروط و الأوراق المطلوبة لـ تجديد استمارة السيارة :

    - احضار استمارة السيارة الأصلية مع صورة منها
    - احضار بطاقة الأحوال مع صورة منها
    - احضار صورة من الفحص الدوري ساري المفعول
    - احضار صورة من اوراق التأمين ساري المفعول (مع التأكد ان التأمين مربوط بالنظام - شرحها تحت)
    - تسديد رسوم تجديد استمارة السيارة ( 150 ريال )
    - تسديد المخالفات


    طبعا تحطهم بملف شفاف

    انا رحت مرور الروضة .. في مدينة الرياض
    اول ما توصل تاخذ رقم وتنتظر بالصالة الى أن يحين دورك

    اذا جا دورك .. تسلم الأوراق
    طبعا في حالتي اكتفى بالاطلاع على الاوراق فقط ورجع لي اياهم
    وأخذ مني فقط استمارة السيارة المنتهية

    بعدها يطلب منك الجلوس والانتظار الين تسمع اسمك
    الحمدلله في اقل من عشر دقائق سمعت اسمي
    واستلمت الاستمارة الجديدة

    وانتهينا على خير



    المشاكل اللي مريت عليها
    هي ربط تأمين السيارة مع النظام
    وعلشان تتأكد من هالشي .. تتوجه الى موقع وزارة الداخلية

    وزارة الداخلية المملكة العربية السعودية

    > بعدها الخدمات الالكترونية > بعدها تختار المرور
    وبيطلع لك الخيارات

    تحط رقم اللوحة ورقم بطاقة الأحوال
    ويقولك اذا كانت المركبة تحت التأمين أو لا

    اذا كانت مو تحت التأمين
    تتصل على شركة التأمين اللي انت مأمن عندها
    وتطلب منهم يربطونها لك
    انا مأمن مع شركة التعاونية .. للمعلومية



    || الفحص الدوري ||


    الفحص الدوري بـ الرياض
    وصفه سهل ان شالله للكل
    تمسك الدائري الشمالي متجه للدمام
    لين يجيك كبري الفحص الدوري وهو مخرج شارع الشيخ جابر
    وهو ايضا نفسه مخرج مقاهي الشيشة
    تاخذ اليو تيرن وتمسك الخدمة وبتجيك لوحة عاليمين مكتوب عليها الفحص الدوري
    تدخل يمين تمشي قدام لين تشوفه على يسارك
    تدخل الشارع يسار وبتشوف المداخل قدامك

    وقت دوامهم يبدا الساعة 6 الصباح
    وفعلا يبدون في هالوقت بدون تأخير

    الرسوم لأول مرة = 73 ريال

    الفحص يتم على عدة مراحل
    وهذه الصورة توضح المراحل هذه \

    تجديد استمارة السيارة الفحص الدوري


    اولا - الفحص الخارجي
    تشييك سريع .. غالبا ماعليه اي كلام

    ثانيا - فحص انحراف العجلات
    المفروض تقرا 7 انا قرت عندي 16.9 !!
    بس طبعا للي يروحون حلبات كثير هههههه لازم يوزنون قبل الفحص

    ثالثا - الفرامل
    الجهاز بيقرا كل شي من نفسه
    انا فراملي كانت بادية تصفر ومشت الحمدلله

    رابعا - الأنوار الأمامية
    ما شيكوا عليها

    خامسا - غازات العادم
    الاقزوز
    هذا اكثر اختبار كان مخوفني
    بحكم اني مركب هيدرز اوف رود - بدون دبات تلوث
    + مركب كتباك كورسا - دبتين تلوث وسطية + دبتين صوت خلفية
    والمكينة عليها تعديل وغازاتها عالية جدا
    لكن الحمدلله .. مشت !

    سادسا - الفحص السفلي
    تشيك سريع عن اي تسريب زيوت او غيره
    غالبا ماعليه مشاكل


    في خلال ربع ساعة تقريبا
    يكون اختبارك خالص .. وتستلم النتيجة من الكشك اللي بالنهاية

    في حالتي .. فشل الاختبار
    طلعت عند الورش اللي برة أوزن انحراف العجلات

    وبعدها رجعت من جديد
    لاحظت ان زحمة الساعة ستة الصباح اكثر من زحمة الساعة سبعة !!
    عموما

    رسوم اعادة الفحص = 24 ريال

    انا رحت لنفس المسار اللي فحصت عنده
    وفحصوا لي فقط اللي رسبت فيه
    وعلى طول نجح ولله الحمد
    مثل الصورة \


    تجديد استمارة السيارة الفحص الدوري


    بعد ما تستلم الشهادة
    فيه كشك برة عاليمين .. لتوثيق الشهادة
    لا تطلع قبل تمرهم !!



    وبكذا اكون خلصت تجربتي
    ولله الحمد والمنة

    اتمنى الموضوع يكون مفيد لكل اللي وده يجدد
    واللي عنده معلومات او استفسارات
    لا يبخل فيها
    واحنا حاضرين



    THX



  2. #2
    الصورة الرمزية Bassam abdullah
    تاريخ التسجيل
    Jun 2010
    الدولة
    riyadh - jeddah
    المشاركات
    475
    معدل تقييم المستوى
    6

    افتراضي

    شكرا عزوز على التوثيق والمعلومات الهامه

    مبروك نجاح المزه

    Challenger likes this.
    PIN :2B22D6B1

  3. #3
    777
    777 غير متواجد حالياً

    :: المستشار القانوني ::

    :: لـلـنادي سابقا ::

    الصورة الرمزية 777
    تاريخ التسجيل
    May 2012
    الدولة
    RIYADH
    المشاركات
    331
    معدل تقييم المستوى
    4

    افتراضي

    توثيق وشرح ولا اروع

    تسلم ي عزوز

  4. #4

    تاريخ التسجيل
    Dec 2011
    المشاركات
    498
    معدل تقييم المستوى
    4

    افتراضي

    آول ششي ربي يعطيكك من خيرهآآ ويكفيكك شرهآآ

    وآآلف مبروكك على آلتجديد و على آلآختيآز بنجآح

    /

    ويعطيكك آلعآفيه على المعلومآت آلقيمه وآلمفيده

    للنآس آللي مآعندهم آي خلفيه عن معلومآت آلفحص آلدوري



    ,

    ,
    Challenger likes this.


  5. #5
    إداري لدى المنطقة الشرقية الصورة الرمزية شخصيه مستهدفه
    تاريخ التسجيل
    Dec 2012
    الدولة
    الخبر
    المشاركات
    151
    معدل تقييم المستوى
    3

    Thumbs up

    ȘħλιιεɴĢεર ...
    كلَ آلَشّـكر أخٌـوِيّ آلَغّـآلَيّ عَـلَى آلَتُوِضيّحً ـ آلَوِآفُيّ وِآلَشّـرحً ـ وِآلَتُوِثًـيّقَ


    وِآلَفُ مِبّـروِك عَـلَى آلَتُجَـدُيّدُ
    يّعَـطٌيّك خٌـيّرهِآ وِيّكفُيّك شّـرهِآ يّ ربّ
    Challenger likes this.

  6. #6
    مسؤول الساحة العامة الصورة الرمزية DR:MOHAMMED
    تاريخ التسجيل
    Aug 2010
    المشاركات
    838
    معدل تقييم المستوى
    5

    افتراضي

    مبرووك ع الاستماره الجديده ,,,,والحمدالله اني مش في الرياض ..عنا هون اتجيب الاستماره والتامين وبس لافحص ولاشي من هالقلق

    الحمدللله ع نعمة البعد عن المدن الكبرى ههههههههه
    Challenger likes this.


    DR MOHAMMED

  7. #7
    مسؤول سابق الصورة الرمزية MOPARIAN
    تاريخ التسجيل
    Dec 2010
    الدولة
    العاصمة المزدحمة
    المشاركات
    2,204
    معدل تقييم المستوى
    7

    افتراضي

    مبروووك الاستمارة الجديدة

    عندي نصيحة للشباب اللي بيروحون ،، لا تروح اول الدوام عشان الزحمة

    ولا تروح 7 بعد ،، اللي يبغى يروح قبل الدوام بنص ساعة يعني على 1:30 أو 2:00 ( صراحة نسيت متى يخلص الدوام )

    المهم بتدخل سلام سلام لا زحمة ولا قلة حياء ،، واحسب ربع ساعة من كبري الفحص وانت طالع براا ومنتهي
    Challenger likes this.
    WOT every time, all the time




    MOPARIAN



    FACEBOOK@LXCLUB
    abdullah@lx-club.com
    Twitter@MOPARIAN
    Twitter@LXCLUB


  8. #8
    V I P الصورة الرمزية Hayoulek
    تاريخ التسجيل
    May 2010
    الدولة
    مكة المكرمة
    المشاركات
    7,120
    معدل تقييم المستوى
    47

    افتراضي

    ايوه والله ياعزوز

    فعلا .. انا مثلك عملت فحص السيارة في شهر 3 الماضي

    وكنت خايف من الكربون لاني مثلك هيدرز وكتباك
    وريحة الكربون واضحة

    والحمد لله عدت هذه النقطة

    لكن سبحان الله كان عندي نفس الملاحظة الي ظهرت لك
    انحراف في العجلات الامامية

    وعملت وزن ادرعة وانتهينا على خير

    وزمان كان عندي جراند ماركيز ونفس الشي تغير دراع داخلي

    الظاهر الفحص الدوري ماعندهم غير ادرعة ووزن ادرعة


    Challenger likes this.
    حياكم في صفحتي على الفيس بوك : http://www.facebook.com/Hayoulek


  9. #9
    The DodgeFather

    الصورة الرمزية Challenger
    تاريخ التسجيل
    Jun 2010
    الدولة
    الرياض
    المشاركات
    3,463
    معدل تقييم المستوى
    10

    افتراضي

    \
    \
    \

    مشكورين عالمرور
    وابداء النصايح الحلوة

    اعتقد يابو فراس وزن الاذرعة له مقياس دقيق
    لأني استغربت هالشي كثير
    او يمكن عشان في الحلبة ضغطت كثير عالكفرات !
    ماعلينا هههه


المواضيع المتشابهه

  1. [تقرير تصليح دينمو تشارجر] للفائدة
    بواسطة sanluran في المنتدى ورشة النادي
    مشاركات: 16
    آخر مشاركة: 11-10-2014, 10:10 AM
  2. هام جداً بخصوص الفحص والزيت والمحافظة على السيارة
    بواسطة Dacnes في المنتدى نادي ملاك سيارات كرايسلر - Chrysler
    مشاركات: 6
    آخر مشاركة: 07-18-2012, 08:09 AM
  3. الفحص الدوري للمركبات؟؟ بعض الاستفسارات الهامة
    بواسطة Dajani في المنتدى ورشة النادي
    مشاركات: 6
    آخر مشاركة: 05-06-2011, 12:27 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •